Maxfiylik siyosati

Kuchga kirgan sana: 2026-yil 26-oktabr

Qisqasi: Yangi Alif dasturi siz yozgan matnni saqlamaydi, hech qayerga yubormaydi va internetga umuman ulanmaydi. Sayt esa faqat "fayl necha marta yuklab olingani"ni anonim tarzda sanaydi.

1. Dastur (Windows ilovasi)

Yangi Alif yozish paytida o' → ö, g' → ğ, sh → ş, ch → ç harflarini almashtirishi uchun klaviaturada bosilgan tugmalarni kuzatadi. Bu kuzatuv faqat shu maqsadda va faqat sizning kompyuteringizda, xotirada amalga oshiriladi:

Yozgan matningiz saqlanmaydi va faylga yozilmaydi.
Dastur internetga ulanmaydi — hech qanday ma'lumot hech kimga, jumladan muallifga ham, yuborilmaydi.
Dastur faqat oxirgi bitta harfni (masalan "s") bir necha soniya eslab turadi, xolos — keyingi harf bilan birlashtirish uchun.
Sozlamalaringiz (qaysi qoidalar yoqilgani va h.k.) faqat kompyuteringizdagi Windows registry'da saqlanadi.
Kutilmagan xato yuz bersa, faqat texnik ma'lumot (Windows versiyasi, xato matni) kompyuteringizdagi vaqtinchalik faylga yoziladi. Unda yozgan matningiz bo'lmaydi va u hech qayerga yuborilmaydi — uni muallifga yuborish-yubormaslikni o'zingiz hal qilasiz.

Parollar: dastur Windows'ning klassik parol maydonlarida o'zi to'xtaydi. Brauzerdagi parol maydonlarini texnik jihatdan tanib bo'lmaydi, shuning uchun parol yozishdan oldin Ctrl + Shift bilan dasturni o'chirib qo'yishingizni tavsiya qilamiz.

2. Sayt

Yuklab olish tugmasi bosilganda umumiy hisoblagich bittaga oshadi (masalan "bugun 25 marta yuklab olindi"). Ism, email yoki boshqa shaxsiy ma'lumot so'ralmaydi.
Bir kishining tasodifiy takroriy bosishini ikki marta sanamaslik uchun IP manzilning bir tomonlama xeshi 26 soatga saqlanadi va keyin o'zi o'chadi. IP manzilning o'zi saqlanmaydi.
Saytda reklama, kuzatuv (tracking) va uchinchi tomon analitika xizmatlari yo'q.
Sayt Cloudflare xizmatida joylashgan; Cloudflare xavfsizlik maqsadida standart texnik jurnallarni yuritishi mumkin.
"O'zingiz sinab ko'ring" maydoniga yozgan matningiz faqat brauzeringizda o'giriladi va hech qayerga yuborilmaydi.
"Taklif va shikoyatlar" formasi: yuborgan xabaringiz, ixtiyoriy ismingiz va aloqa ma'lumotingiz faqat muallifga ko'rinadi, faqat javob berish va dasturni yaxshilash uchun ishlatiladi, hech kimga berilmaydi va 180 kundan keyin avtomatik o'chiriladi. Spamdan himoya uchun IP manzilning bir tomonlama xeshi bir kun saqlanadi (IP'ning o'zi emas).
Buzib kirishdan himoya: admin panelga 5 marta noto'g'ri kirishga uringan IP manzil (xeshi) va qurilma saytga 1 haftaga bloklanadi. Buning uchun IP xeshi va brauzerga qo'yiladigan bitta texnik cookie (ya_blk) 1 haftagacha saqlanadi va keyin o'zi o'chadi. Oddiy foydalanuvchilarga hech qanday cookie qo'yilmaydi.

3. Bolalar

Dastur va sayt hech kimdan, jumladan bolalardan ham, shaxsiy ma'lumot to'plamaydi.

4. O'zgarishlar

Ushbu siyosat o'zgarsa, yangi matn shu sahifada e'lon qilinadi va yuqoridagi sana yangilanadi.

5. Aloqa

Savollar bo'yicha: jasurbekxasanov214@gmail.com · Telegram: @khasanov_jasur